(3327)

(3327)

கூட்டுதிநின் குரைகழல்கள் இமையோரும் தொழாவகை செய்து,

ஆட்டுதிநீ யரவணையாய். அடியேனும் அஃதறிவன்,

வேட்கையெல்லாம் விடுத்தெனையுன் திருவடியே சுமந்துழல,

கூட்டரிய திருவடிக்கள் கூட்டினைநான் கண்டேனே.

 

பதவுரை

அரவு அணையாய்	–	சேஷசாயியான பெருமானே!,
நீ	–	நீ
(அபிமதரான சிலரை)
நின் குரை கழல்கள்	–	ஆபரணத்வநி பொருந்திய உனது திருவடிகளிலே
கூட்டுதி	–	சேர்த்துக்  கொள்ளுகிறாய்;
(திருவுள்ள மில்லையாகில்)
இமையோரும்	–	(ஞானசக்திகள் நிறைந்திருக்கப் பெற்ற) தேவர்களும்
தொழா வகை செய்து	–	கண்டு அநுபவியாதபடி பண்ணி
ஆட்டுதி	–	அலைக்கின்றாய்;
அஃது	–	இப்படி எளியனாயும் அரியனாயுமிருக்குந் தன்மையை
அடியேனும்	–	நானும்
அறிவன்	–	அறிந்தேயிருக்கின்றேன்;
என்னை	–	எனக்குண்டான
வேட்கை எல்லாம் விடுத்து	–	விஷயாந்தர விருப்பங்களெல்லாவற்றையும் கழித்து
உன் திரு அடியே	–	உனது திருவடிகளையே
சுமந்து உழல	–	நான் தலையால் சுமந்து திரியும்படி
கூட்ட அரிய திரு அடிக்கண்	–	துர்லபமான திருவடிகளிலே
கூட்டினை	–	சேர்த்துக் கொண்டாய்;
நான் கண்டேன்	–	இதை ப்ரத்யக்ஷமாக அநுபவித்தேன்.

 

ஸ்ரீ காஞ்சி பிரதிவாதி பயங்கரம் அண்ணங்கராசாரியார் எழுதிய

விளக்க உரை

***- ஆழ்வாருடைய ஆர்த்திதீரும்படி பரமபதத்திலிருப்பைக காட்டிக்கொடுக்க, அதுகண்டு தாம் களித்தமை கூறுகின்றது இப்பாசுரம்.  கூட்டுநின் குரை கழல்கள்=சிலரைத் திருவடி சேர்த்துக்கொள்ளத் திருவுள்ளம்பற்றினால், அவர்கள் எவ்வளவு தண்ணியர்களாயிருந்தாலும் தன்னுடைய சக்தியே காரணமாக அவர்களைத் திருவடி சேர்த்துக்கொள்ளுகிறாயென்கை.  இன்னாரினையாரென்று பாராமல், உகந்தாரைத் திருவடி சேர்த்துக்கொள்ளுதல் உன்னுடைய இயல்வு என்றபடி.

இமையோரும் தொர்வகைசெய்து ஆட்டுதி=பிரமன் முதலிய பெரியோர்களேயாகிலும் உகப்புக்கு இலக்கு ஆகாதவர்களை வந்து கிட்டாதபடிபண்ணி அலைக்கின்றா யென்றபடி.

அடியேனும் அது அறிவன்=விருப்பமுண்டானால் சிலர்க்கு எளியனாகியும், விருப்பமில்லையாகில் சிலர்க்கு அரியனாகியும் போருகின்றா யென்கிற இந்த உன்படியை நான் அறிந்து கொண்டே யிருக்கின்றேன் என்று கூறின ஆழ்வாரை நோக்கி எம்பெருமான் ‘ஆழ்வீர்! இப்போது நீர் அறிந்துகொண்டது என்ன?’ என்று கேட்க; இப்போது என்னை நீ விஷயீகரிக்கத் திருவுள்ளம்பற்றினபடியாலே திருவடியோடே என்னைச் சேர்த்துக்கொண்டாயே!

இதுதான் நான் கண்டது என்கிறார்.

வேட்கையெல்லாம் விடுத்து=இவ்வுலகில் என்னுடைய ஆசைக்கு இலக்காகாத பொருளே இல்லை; கண்டபொருள்களிலெல்லாம் ‘எனக்கு, எனக்கு’ என்றே ஆசைவைத்துப் போந்தேன்.; அந்த ஆசைகளையெல்லாம் விடுவித்தருளினாய்.  அதுவன்றியும், (உன் திருவடியே சுமந்துழல) பரதாழ்வானுக்கு மரவடியைக்கொடுத்து உபச்சந்தனம் பண்ணினாய் போலன்றிக்கே ஸாகூஷாத் திருவடிகளையே என்தலைமீது வைத்தருளினாய்; இதைக் கேட்;டார்வாய்க் கேட்கையன்றிக்கே நான் அனுபவிக்கப் பெற்றேனாகையாலே அறிந்தேன்-என்றாராயிற்று.

 

English Translation

O Lord on serpent couch, you make even gods roam without redemption.  I know this too, shearing me of my desires, you have made me bear your feet and roam, I now see that I am inseparable from your precious lotus feet!