(457)

(457)

காலுமெழா கண்ணநீரும் நில்லா உடல் சோர்ந்து நடுங்கிகுரல்

மேலு மெழாமயிர்க் கூச்சுமறாஎன தோள்களும் வீழ்வொழியா

மாலுக ளாநிற்கும் என்மன னேஉன்னை வாழத் தலைப்பெய்திட்டேன்

சேலுக ளாநிற்கும் நீள்சுனை சூழ்திரு மாலிருஞ் சோலையெந்தாய்.

பதவுரை

சேல்	–	மீன்களானவை
உகளா நிற்கும்	–	துள்ளி விளையாடுதற்கு இடமான
நீள் சுனை சூழ்	–	பெரிய தடாகங்களாலே சூழப்பெற்ற
என	–	என்னுடைய
காலும்	–	கால்களும்
ஏழா	–	(வைத்து விடத்தைவிட்டுப்) போகின்றனவில்லை;
கண்ணநீரும்	–	கண்ணீரும்
நில்லா	–	உள்ளே தங்குகின்றனவில்லை.
உடல்	–	சரீரமானது
சோர்ந்து நடுங்கி	–	கட்டுக்குலைந்து நடுங்கியதனால்
குரலும்	–	குரலும்
மேல் எழா	–	கிளம்புகின்றதில்லை;
மயிர் கூச்சும் அறா	–	மயிர்க்கூச்செறிதலும் ஒழிகின்றதில்லை;
திருமாலிருஞ்சோலை	–	திருமாலிருஞ்சோலையில் (எழுந்தருளியிருக்கிற)
எந்தாய்	–	எம்பெருமானே!
(எனக்கு உன்னிடத்துள்ள அன்பு மிகுதியினால்)
தோள்களும்	–	தோள்களும்
வீழ்வு ஒழியா	–	விழுந்துபோவதில் நின்றும் ஒழிந்தனவில்லை ( ஒரு வியாபாரமும் செய்யமுடியாமல் விழுந்தொழிந்தன);
என் மனம்	–	எனது நெஞ்சானது
மால் உகளா நிற்கும்	–	வியாமேரஹத்தை அடைந்திரா நின்றது;
(இப்படிகளால்)
வாழ	–	வாழ்வுறும்படி
உன்னை	–	உன்னை
தலைப்பெய்திட்டேன்	–	சேர்ந்துவிட்டேன்.

ஸ்ரீ காஞ்சி பிரதிவாதி பயங்கரம் அண்ணங்கராசாரியார் எழுதிய

விளக்க உரை

***-  மெய்யடியார்கள் பகவத் விஷயத்தில் அவகாஹிக்க வேணுமென்ற நெஞ்சில் நினைத்தபோதே “காலாழும் நெஞ்சழியுங் கண்சுழலும்” என்றபடி ஸர்வேந்திரியங்களுக்கும் சோர்வு பிறக்குமாதலால், அப்படிப்பட்ட நிலைமை எம்பெருமானருளால் தமக்கு வாய்த்தபடியைக் கூறுகிறார், மூன்றடிகளால்; வைத்த அடியை எடுத்துவைத்து நடக்கத் தொடங்கினால், கால் கிளம்புகின்றதில்லை; ஆநந்த பாஷ்பம் இடைவிடாது பெருகாநின்றது; சரீரம் கட்டழிந்து நடுங்காநின்றமையால் வாய்திறந்து ஒரு பேச்சுப்பேச முடியவில்லை; மயிர்க்கூச்சு ஓய்கிறதில்லை; (உன்னைத் தோளாலணைப்போமென்று பார்த்தால்,)  தோள்கள் ஒரு வியாபாரம் பண்ணவும் வல்லமையற்றுச் சோர்வையடைந்தன; நெஞ்சு பிச்சேறிக்கிடக்கிறது.

வீழ்வொழியா என்பதற்கு “நிர்விகாரமாய்” என்றிவ்வளவே பெரிய வாச்சான்பிள்ளை பொருளுரைத்தக்கதாக அச்சுப்பிரதிகளிற் காண்கிறது; அது பொருத்தமற்றது; “நிர்வ்யாபாரமாம்” என்றிருந்ததை, “நிர்விகாரமாய்” எனமயங்கி அச்சிடுவித்தனர் போலும். வீழ்வு-சோர்வு; அது ஒழியாமையாவது -எப்போதும் சோர்வுற்றிருக்கை. அதாகிறது – நிர்வ்யாபாரத்வம். இனி “நிர்விகாரமாம்” என்ற அச்சுப்பிரதிப்பாடத்தை, “நிர்விகாரமாம்”எனத்திருத்திக்கொண்டு, “நிர்வ்யாபாரமாம்” என்ற பாடத்தின் பொருளையே அதற்குக் கொள்ளுதல் பொருந்துமென்னவுமாம். மனமே என்றவிடத்து, ஏகாரம் இசைநிறை.

English Translation

Long stretches have I roamed and floundered with neither shade nor water anywhere. No haven have I found, other than the shadow of your feet. O Lord of Tirumalirumsolai, you went as an emissary of the Pandavas, then spoke a few lies and kindles differences, and stacked corpses in the battle field everywhere, O My Master.