(3139)

(3139)

மேவு துன்ப வினைகளை விடுத்துமிலேன்,

ஓவுதலின்றி உன்கழல் வணங்கிற்றிலேன்,

பாவுதொல் சீர்க்கண்ணா. என் பரஞ்சுடரே,

கூவுகின்றேன் காண்பான் எங்கொய்தக் கூவுவனே?

 

பதவுரை

துன்பம் மேவு	–	பலவகைத் துயரங்களை விளைக்கவல்ல
வினைகளை	–	பாவங்களை
ஓவுதல் இன்றி	–	இடையறாமல்
உன் கழல்	–	உனது திருவடிகளை
வணங்கிற்றிலேன்	–	பணிவதும் செய்திலேன்
பாவு	–	எங்கும் பரவிய
தொல்	–	இயற்கையான
சீர்	–	திருக்குணங்களையுடைய
விடுத்தும் இலேன்	–	(தவன் முதலியவற்றால்) போக்கடித்துக்ö காண்டேனுமில்லை
கண்ணா	–	கண்ணபிரானே!
என்	–	எனது விருப்பத்திற்குரிய
பாஞ்சுடரே	–	மேலான ஒளியுருவனே!
காண்பான்	–	(உன்னைக்) காணும்பொருட்டு
கூவுகின்றேன்	–	கூப்பிடுகின்றேன்.
எங்கு எய்த கூவுவன்	–	எங்கே கிட்டுவதாகக் கூப்பிடுவேன்

 

ஸ்ரீ காஞ்சி பிரதிவாதி பயங்கரம் அண்ணங்கராசாரியார் எழுதிய

விளக்க உரை

***-  எம்பெருமானே! உன்னைப் பெறுகைக்கு நான் ஏதேனும் ஸாதநாநுஷ்டாநம் பண்ணியிருந்தேனாகில் அந்தப் பற்றாசுதன்னை வைத்துக் கொண்டாவது ‘ஏன் நமக்கு இன்னமும் இரங்கி யருளவில்லை?’ என்று நான் கரைந்து கூப்பிடலாம்; நானோ ஒரு ஸாதாநாநுஷ்டாநமும் பண்ணாதவன்; அப்படியிருந்தும், ஸாதநங்களை நிறைய அநுஷ்டித்துப் பலன் கைபுகப் பெறாதவன் கிடந்து துடிக்குமாபோலே நானும் துடித்துக் கதறுகின்றேனே! இது என்ன! என்று தமக்குத்தாமே விஸ்மயப் பட்டுக் கொள்ளுகிறார்.

மேவுதுன்பவினைகளை விடுத்துமிலேன் = நாம் செய்கிற தீவினைகளை நல்வினைகளினால் போக்கிக் கொள்ள வேணுமென்பது நூற்கொள்கை; நானோ பாவங்களை மாத்திரஞ் செய்தேனேயன்றி அவற்றைப் போக்கவல்ல நற்கிரிசை யொன்றுஞ் செய்திலேன். எள்ளில் எண்ணெய்போலவும், கட்டையில் நெருப்புப் போலவும், இவ்வாத்மாவோடு பிரிக்க முடியாதபடி பொருந்தியிருப்பனவும் பலபல துன்பங்களை வினைப்பனவுமான பாபங்களை விஹிதகர்மாநுஷ்டானத்தாலே போக்கிக் கொண்டேனில்லை.

ஓவுதலின்றி உன்கழல் வணங்கிற்றிலேன் = உன் திருவடிகளை நிரந்தரமாக பஜிப்பதும் செய்திலேன் என்கிறார். முதலடியினாலேயே இவ்வர்ததம் ஏற்பட்டுவிட்டாலும் ஆழ்வார் தம் ஆர்த்தியின் கனத்தினால் விவரித்துக் கூறுகிறாரென்று கொள்க. இங்கு ஓவுதலின்றி என்பதை மத்யமதீபமாகக்கொண்டு முதலடியோடும் இரண்டாமடியோடும் கூட்டி நிர்வஹிப்பர் எம்பார்; இப்போது, ஓவுதலின்றி என்பதற்கு ஓய்வு இல்லாமையினாலே என்று பொருள். எனக்குள்ள அவகாசமெல்லாம் தீவினைகளைச் செய்வதற்கே சரிப்பட்டுப்போயின; ஒரு நல்வினை செய்யவும் அவகாசம் கிடைக்கவில்லை; ஆதலால்- என்றபடி. “கண்ணாலப் பெண்டாட்டிக்கு உண்ண அவஸரமில்லை என்னுமாபோலே இந்த்ரியங்களுக்கு இரையிட்டுத் திரிந்தேனித்தனை; எனக்கு ஒன்றும் ஹிதம் பார்த்திலேன்” என்கிற ஈட்டு ஸ்ரீஸூக்தி பரமபோக்யம்.

பரவு தொல் சீக்க்கண்ணா!- நான் அயோக்யனாயிருந்தாலும் உனது திருக்குணங்களை நினைக்குங்கால் மேல் விழுந்தாகிலும் புஜிக்கவேண்டும்படியிரா நின்றதே! விட முடியவில்லையே! என் செய்வேன்! என்கிற ஆர்த்தி சொல்வடிவத்திலே தோன்றுமாறு காண்க. பாவுதல்- பரவுதல்; பக்தர்களின் கோஷ்டிகளில் மாத்திரமன்று; சத்ருக்களின் கோஷ்டிகளிலும் பரவிய புகழ்படைத்தவனென்பர்.

 

English Translation

O Lord Krishna, my eternal glory-flood!  Alas, I have not ceased my lowly Karmas not relentlessly worshipped your lotus feet, “Krishna”, I call, O where can I see you?