(3004)

(3004)

எந்தையேயென்று மெம்பெருமானென்றும்,

சிந்தையுள்வைப்பன் சொல்லுவன்பாவியேன்,

எந்தையெம்பெருமானென்று வானவர்,

சிந்தையுள் வைத்துச் சொல்லும்செல்வ னையே.

 

பதவுரை

வானவர்	–	நித்யஸூரிகள்
எந்தை எம் பெருமான் என்று	–	‘எந்தையே! எம்பெருமானே! என்று
சிந்தையுள் வைத்து	–	மனத்தினால் சிந்தித்து
சொல்லும்	–	வாயினால் தோத்திரஞ் செய்யப்பெற்ற
செல்வனை	–	ஸ்ரீமானாகிய எம்பெருமானை
பாவியேன்	–	பாவியாகிய நான்
எந்தையே என்றும்	–	எந்தையே! என்றும்
எம்பெருமான் என்றும்	–	எம்பெருமானே என்றும்
சிந்தையுள் வைப்பன்	–	மனத்தில் வைப்பேன்;
சொல்லுவன்	–	வாயினாலுஞ் சொல்வேன்

 

ஸ்ரீ காஞ்சி பிரதிவாதி பயங்கரம் அண்ணங்கராசாரியார் எழுதிய

விளக்க உரை

***- “ந அச்லீலம் கீர்த்தயேத்” என்று வேதபுருஷன் சொன்னான்; அச்லீலமான விஷயத்தை வாயினாற் சொல்லக்கூடாது என்றபடி, நைச்சியாநுஸந்தானம் பண்ணி அவனை விட்டுப்பிரிதல் என்கிற அச்லீலத்தை இவர் தாமே *ப்ரஸ்தாவித்தமையால் அப்படியே வந்து புகுந்தது. அயோக்யன் என்று அகலுகிறாரிப்பாட்டில் . அவனுடைய மேன்மையையும் தம்முடைய தாழ்வையும் பார்த்து *அயர்வறுமரர்கள் தங்கள் சிந்தையுள்ளே வைக்கவும் தங்கள் வாயாலே துதிக்வும் வாய்ந்த பெருமானை என் சிந்தையிலும் என் வாக்கிலும் கொண்டு கெடுத்தேனித்தனை; என்ன பாவியோ நான் என்று தம்மைத் தாமே வெறுத்துக் கொள்ளுகிறார்..