(1708)

(1708)

வியமுடை விடையினம் உடைதர மடமகள்,

குயமிடை தடவரை யகலம துடையவர்,

நயமுடை நடையனம் இளையவர் நடைபயில்,

கயமிடை கணபுரம் அடிகள்தமிடமே.

 

பதவுரை

நயம் உடை நடை	–	அழகிய நடையையுடைய
அனம்	–	அன்னப் பறவைகள்
இளையவர்	–	இளம் பெண்களினுடைய
நடை	–	நடையை
பயில்	–	அப்யஸிக்கப்பெற்றதும்
கயம்	–	தடாகங்கள்
மிடை	–	நெருங்கியிருக்கப் பெற்றதுமான
கணபுரம்	–	திருக்கண்ணபுரமானது,-
வியம் உடை விடை இனம்	–	வலிமை பொருந்திய விருஷபங்களின் கூட்டமானது
உடைதர	–	அழிந்தவளவிலே
மட மகள்	–	மடமைக் குணமுடைய நப்பின்னைப் பிராட்டியானது
குயம்	–	திருமுலைகள்
மிடை	–	நெருங்கியணைப்பெற்ற
தட வரை அகலமது உடையவர்	–	பெரிய மலை போன்ற திருமார்பையுடையவரான
அடிகள் தம்	–	ஸ்வாமியினுடைய
இடம்	–	திவ்யதேசமாம்.

 

ஸ்ரீ காஞ்சி பிரதிவாதி பயங்கரம் அண்ணங்கராசாரியார் எழுதிய

விளக்க உரை

***- முன்னடிகளில் திருக்கண்ணபுரத் தெம்பெருமானுடைய பெருமையும் பின்னடிகளில் திருக்கண்ணபுரத்தின் சிறப்பும் சொல்லப்படுகின்றன.  அன்னப் பறவைகள் இளமகளிரது அழகிய நடையை அநுகரித்து நடைபயிலப் பெற்றதும் பலவகைத் தடாகங்கள் நெருங்கியிருக்கப் பெற்றதுமான திருக்கண்ணபுரம் – ஏழ்விடைகளைச் செற்று நப்பின்னைப் பிராட்டியின் திருமுலைத்தடங்களைத் திருமார்பாரத் தழுவிய பெருமான் உறையுமிடம் என்பதாம்.

வியமுடை விடையினம் = ‘வியம்’ என்னுஞ் சொல்லுக்குப் பல பொருள்களுண்டு; வலிமை யென்னும் பொருள் இங்குக் கொள்ளப்பட்டது.  வேறுபாடு என்னும் பொருளுங் கொள்ளலாம்; கறுக்கொண்ட கஞ்சனால் ஏவப்பட்ட வந்தவையாகையாலே எங்குங் கண்டறியாத வேறுபட்ட வடிவையுடைய விடையினம் என்றவாறு.  இனி ‘வியம்’ என்று ஏவலுக்கும் பெயராதலால் (கம்ஸனுடைய) ப்ரேரணையையுடைய விடையினம் என்னவுமாம்.

உடைதர – உடைய; தா – துணைவினை.  உடைதல் – அழிதல்.

‘ ????????’     என்னும் வடசொல் குய மெனத் திரிந்தது.  மிடைதல் – நெருங்குதல்.  “குயமுடை தடவரை” என்றும் வியாக்யானத்திற் பாடம் கொள்ளப்பட்டது.  அப்பாடத்தில் “குயமுடைத் தடவரை” எனத் தகரவொற்று மிக்கிருக்க வேண்டுவது இல்லாமை – ஓசையின்பம் பற்றி வேண்டுழிக் கொண்ட விகாரமெனக் கொள்க.  மூன்றாமடியில், ‘அன்னம்’ அனமெனத் தொக்கி யிருக்கிறது.

 

English Translation

The Lord who destroyed seven bulls and embraced the mountain-like breasts of the cowhered-dame Nappinnai resides in kannapuram where swans in lakes learn the art of graceful gait from young dames.