(3508)

(3508)

நிறங்கரி யானுக்கு நீடுல குண்ட,

திறம்கிளர் வாய்ச்சிறு கள்ள னவற்கு,

கறங்கிய சக்கரக் கையவ னுக்கு,என்

பிறங்கிருங் கூந்தல் இழந்தது பீடே.

பதவுரை

நிறம் கரியானுக்கு	–	கருநிற முடையவரும்
நீடு உலகு உண்ட திறம் கிளர் வாய்	–	(பிரளய காலத்தில்) ஸகல லோகங்களையும் அமுது செய்தபடி தோற்றுகிற திருப்ப வளத்தையுடையராய்க்கொண்டு
சிறு கள்வர் அவற்கு	–	சிறியவடிவிலே பெரியவுலகங்களை மறைத்துவைத்தவரும்
கறங்கிய சக்கரம் கையவனுக்கு	–	சுழலும் திருவாழியைக் கையிலே உடையவருமான பெருமான் விளயத்தி லீடுபட்டதினால்
என் பிறங்கு இரு கூந்தல்	–	விளங்குகின்ற அடர்ந்த கூந்தலை யுடையளான என்மகள்
இழந்த்து பீடு	–	இழந்த்து பெருமையாம்.

ஸ்ரீ காஞ்சி பிரதிவாதி பயங்கரம் அண்ணங்கராசாரியார் எழுதிய

விளக்க உரை

***- நிறங் கரியானுக்கு – நான் பிரிவாற்றாமையாலே உடம்பு வெளுத்துக் கிடக்க அவர் மேனி நிறம் குறியழியாமே பசுகுபசுகென்றிருக்கிற அழகு என்னே! என்று நைகின்றாளென்கை. நீலேகுண்டு திறம கிளர்வாய் – * அண்டரண்ட பகிரண்டத்தொருமிநலமொழுமால்வரை முற்றுமுண்ட கண்டம் * என்கிறபடியே அன்று உலகமெல்லாம் பிரளயாபத்து அடையாதபடி காத்தருளின திருவாயையுடையவன் என்று கதைகளில் கேட்கிறோமத்தனை யன்றி அத்தகைய ரக்ஷகத்வம் நம்மளவில் ஒன்றுமில்லையே! என்று உருகுகின்றாளென்கை.

சிறுக்கள்வரவற்கு – “சிறு வயிற்றிலே பெரிய லோகங்களை வைத்து, பரிச்சோதிக்க வொண்ணாத சேஷ்டிதத்தையுடையவனுக்கு“ என்பது ஈடு அந்த சேஷ்டித்ததிலீடுபட்டு நைகின்றாளென்றவாறு. “சிறுகள்ளனவற்கு“ என்றும் பாடமுண்டு.

கறங்கிய சக்கரக்கையவனுக்கு – கையுந்திருவாழியுமான அழகைக்காட்டி என்னுள்ளங்கொள்ளைகொண்டபெருமான் இப்போது இங்ஙனே உபேக்ஷித்திருத்தல் தகுதியோவென்று நைகின்றாளென்கை. அன்றியே, * காசீவிப்லோக்ஷ சைத்யக்ஷபண தரணிஜத்வம்ஸ ஸூர்யாபிதாநக்ராஹ த்வேதாத்வ மாலித்ருடந * (ஸுதர்சநசதகம்) என்கிறபடியே காசீதஹனத்திலும் சிசுபால வதத்திலும் நரகாஸுர ஸம்ஹாரத்திலும் ஜயத்ரத வதத்திலும் முதலை துணித்தலிலும் மாலியை மடித்தலிலும் மற்றும் பலபல கிரிசைகளிலும் தனது விக்கிரமத்தை வலிதாகக் காட்டின திருவாழியாழ்வான் என்னுடைய விரோதிநிரஸனத்தலே வியாபரியாதிருத்தல் என்னோவென்று நைகின்றாளென்னவுமாம்.

English Translation

My well-coiffured daughter has lost her grace, -to the dark-hued Lord, the trickster who swallowed the worlds with his small mouth, to the one who bears a spinning discus in hand.