(194)

(194)

செப்போது மென்முலை யார்கள் சிறுசோறும் இல்லும் சிதைத்திட்டு

அப்போது நானுரப் பப்போய் அடிசிலு முண்டிலை ஆள்வாய்

முப்போதும் வானவ ரேத்தும் முனிவர்கள் வெள்ளறை நின்றாய்

இப்போது நான்ஒன்றும் செய்யேன் எம்பிரான் காப்பிட வாராய்.

பதவுரை

ஆள்வாய்	–	என்னை ஆளப்பிறந்தவனே!
முப்போதும்	–	­மூன்று காலத்திலும்
வானவர்	–	தேவர்கள்
ஏத்தும்	–	ஸ்தோத்திரஞ்செய்கின்ற
முனிவர்கள்  வெள்ளறை	–	(உன் மங்களத்தையே) எண்ணுகிறவர்களுடைய திருவெள்ளறையிலே
நின்றாய்	–	நிற்பவனே! (நீ)
செப்பு ஒது	–	பொற்கலசங்களை (உவமையாகச்) சொல்லத்தகுந்த
மெல் முலையார்கள்	–	மெல்லிய முலையையுடைய ஸ்திகள்
(விளையாட்டாகச் செய்த)
சிறுசோறும்	–	மணற்சோற்றையும்
(சிறு)இல்லும்	–	மணல் வீட்டையும்
சிதைத்திட்டு	–	அழித்துவிட்டு (நிற்க)
அப்போது	–	அக்காலத்தில்
நான்	–	நான்
உரப்ப	–	கோபித்துச் சொல்ல
(பிடித்தடிப்பேனோ? என்றஞ்சி என் முன் நில்லாமல்)
போய்	–	அப்பாற்போய்
அடிசிலும்	–	சோற்றையும்
உண்டிலை	–	உண்ணாமலிருந்திட்டாய்;
இப்போது	–	இந்த மையத்திலே
நான் ஒன்றும் செய்யேன்	–	நான் உன்னை (மருட்டுதல் முதலியன) ஒன்றும் செய்ய மாட்டேன்;
எம்பிரான் சாப்பிட வாராய்.

ஸ்ரீ காஞ்சி பிரதிவாதி பயங்கரம் அண்ணங்கராசாரியார் எழுதிய

விளக்க உரை

***- சிறு பெண்கள் விளையாட்டாக மணற்சோறு சமைப்பதும் மணல் வீடு அமைப்பதுமாயிருக்க, அதை நீ அழித்து அப்பெண்களோடே வலிவிற் சண்டையிட்டுக் கொண்டிருந்ததனால் ‘நீ இப்படித் திரியக்கூடாது, என்று நான் உனக்கு ஹிதமாக அதட்டினேன்; ஒருகால் நான் அடிப்பனோவென்று அஞ்சி நீ ஓடிப்போய்ச் சோறுண்பதற்கும் வாராது நின்றிட்டாய்; இப்போது  அப்படியொன்றுஞ் செய்யமாட்டேன்; காப்பிட நீ வரவேணுமென்கிறாள்.

ஆள்வாய்! – என் சொற்படி கேட்டு நான் கொடுத்தவற்றை வாங்கிக் கொண்டு என் கட்டளைக்குக் கீழ்ப்படிந்து நடப்பவனே! என்றவாறு.

முப்போது – இரண்டு ஸந்த்யையும் ஒரு உச்சிப்போதும்.  ‘‘வானவரேத்த,, என்பதும் பாடம்.

English Translation

O Lord of Vellarai, my Lord, my ruler! Gods and seers worship you thrice a day. Copper-hued supple-breasted girls were playing in the sand. You broke their houses and snatched their food. So I became angry and scolded you. For that you have refused to eat your pudding. No, I will not do anything to you; come, let me ward off the evil eye.