(1563)

(1563)

எந்தாதை தாதையப்பால் எழுவர் பழவடிமை

வந்தார் என் நெஞ்சினுள்ளே வந்தாயைப் போகலொட்டேன்,

அந்தோ என் னாருயிரே  அரசே அருளெனக்கு நந்தாமல்

தந்தவெந்தாய் நறையூர்நின்ற நம்பீயோ.

 

பதவுரை

என் ஆர் உயிரே	–	எனது அருமையான உயிர் போன்றவனே!
அரசே	–	என்னை ஆள்பவனே!
எனக்கு அருள் நந்தாமல் தந்த எந்தாய்	–	என் திறத்தில் கிருபையைக் குறைவின்றிச் செய்தருளின எம்பெருமானே!
நறையூர் நின்ற நம்பீயோ!- ;
எம் தாதை தாதை	–	நானும் என் தகப்பனும் அவன் தகப்பனும்
அப்பால்	–	அவனுக்கு முன்புண்டான
எழுவர்	–	ஸப்த புருஷர்களும்
(ஆகப் பத்துத்தலைமுறையாக)
பழவடிமை வந்தார்	–	இயற்கையான அடிமையைச் செய்து வந்தவர்கள்;
என் நெஞ்சின் உள்ளே	–	எனது மனத்தினுள்ளே
வந்தாயை	–	வந்து சேர்ந்த உன்னை
போகல் ஒட்டேன்	–	இனி வேறிடம் போக வொட்டேன்

 

ஸ்ரீ காஞ்சி பிரதிவாதி பயங்கரம் அண்ணங்கராசாரியார் எழுதிய

விளக்க உரை

***- தாம் அனேக வம்ச பரம்பரையாகப் பகவத் விஷயத்திலே தொண்டு பட்டிருக்கும்படியை முதலடியில் வெளியிடுகிறார்.  நம்முடையவர்கள் இதையொரு ஏற்றமாகச் சொல்லிக் கொள்வதுண்டு; “ஏழாட்காலும் பழிப்பிலோம் நாங்கள்” “எந்தை தந்தை தந்தை தந்தை தம்மூத்தப்பனேழ்படிகால் தொடங்கி வந்து வழிவிழயாட் செய்கின்றோம்” இத்யாதிகள் காண்க.  நான், என்னுடைய தகப்பனார், அவருடைய தகப்பனார், அவர்க்கு அப்பால் எழுவர் என்றிப்படி பாரம்பரியமாக அநந்யார்ஹ சேஷத்வத்தில் ஊன்றியிருப்போம் நாம்; இப்படி அடிமைச்சுவடு நன்கறியப் பெற்றிருக்கிற அடியேன் என்னெஞ்சினுள்ளே வந்து சேர்ந்திருக்கிற தேவரீரை இனி வேறிடம் போகவொட்டுவேனோ? என்கிறார்.

‘போகவொட்டேன்’ என்று ஆழ்வார் சொல்லச் செய்தேயும் எம்பெருமான் போகப் புக்கமைதோன்ற நின்றானாம்; அந்த நிலைமையைக் கண்டு ‘அந்தோ!’ என்கிறாராம்.  ஐயோ! உனக்குப் பெறாப் பேறாகக் கிடைத்த இவ்வஸ்துவையும் இழக்கப் பார்க்கலாமோ? என்றவாறு.  இன்றளவும் என்விஷயத்திலே அருளைக் குறையறச் செய்துவருகின்ற நீ இன்று அருட்குறை தோன்றுமாறு அகலநினைப்பது வேண்டா வென்கை.

என் ஆருயிரே! = உன்னையோழிய ஜீவியாதபடி என் ஸத்தையை நிவஹித்துக்கொண்டு போருகிறவனே! என்றபடி.

 

English Translation

O Lord, Master of my father, and his father’s fathers four!  Having come to live in me, how now can I let you go?  O My precious soul and monarch, you gave me your grace in full.  O My father-mother-Lord, Naraiyur Lord-in-residence, O!