(1783)

(1783)

சுழன்றிலங்கு வெங்கதிரோன் தேரோடும் போய்மறைந்தான்

அழன்று கொடிதாகி அஞ்சுடரில் தானடுமால்

செழுந்தடம்பூஞ் சோலைசூழ் புல்லாணி கைதொழுதேன்

இழந்திருந்தே னென்றன் எழில்நிறமும் சங்குமே.

 

பதவுரை

சுழன்று இலங்கு வெம் கதிரோன்	–	(மேருமலையைச்) சுற்றி வந்துகொண்டு பிரகாசிக்கின்ற ஸூரியன்
தேரோடும் போய் மறைந்தான்	–	தனது தேரோடே சென்று அஸ்தமித்தான்;
அம்சுடரோன் தான்	–	அழகிய கிரணங்களையுடைய சந்திரனோ வென்றால்
அழன்று கொடிது ஆகி	–	மிகவும் தீக்ஷ்ணனாய்க் கொண்டு
அடும்	–	தஹிக்கின்றான்,
ஆல்	–	அந்தோ!
செழு	–	செழுமைதங்கிய
தடம்	–	தடங்களாலும்
பூ சோலை	–	பூஞ்சோலைகளாலும்
சூழ்	–	சூழப்பட்ட
புல்லாணி	–	திருப்புல்லாணியை
கைதொழுதேன்	–	கைதொழுத யான்
என்தன் எழில்நிற மும்	–	எனது அழகிய நிறத்தையும்
சங்கும்	–	வளைகளையும்
இழந்திருந்தேன்	–	இழந்து விட்டேன்

 

ஸ்ரீ காஞ்சி பிரதிவாதி பயங்கரம் அண்ணங்கராசாரியார் எழுதிய

விளக்க உரை

***- உலகப் பொருள்களில் எதையேனும் கண்டுகொண்டாகிலும் இந்தப் பிரிவாற்றாமையை ஒருவாறு ஆற்றுவோமென்று பார்த்தால் ஆதித்தன் அஸ்தமித்தான்; சந்திரன் நெருப்புப்போலே எரிப்பவனாகி என்னையே முடித்திடாநின்றான்; திருப்புல்லாணியைத் தொழ ஆசைப்பட்டு நல்ல பலன் பெற்றேனந்தேர்மேனி நிறமும் போயிற்று, கைவளைகளுங் கழன்றொழிந்தன; இங்ஙனம் பரிதாபப்படுவதே நமக்குப் பணியாயிற்றே யென வருந்துகிறாள்.

இரண்டாமடியில் ;அஞ்சுடரில்; என்ற பாடத்துக்கு, ;அம்சுடர்இல்; என்று பிரித்து, அழகிய சுடருக்கு இருப்பிடமான சந்திரன் என்று உரைத்துக்கொள்க, தான் ஆடும் ஆல் = ஸூர்யன் தான் முடிந்துபோனான்; சந்திரன் முடியாதே என்னைமுடிக்கப் பார்க்கிறான் என்று சமத்காரமாகச் சொல்லுகிறபடி.

(இழந்திருந்தேனித்யாதி) ;பிரானோடே புணர்ந்து இன்னமும் மேனிநிறம் வளங்கொள்ளப் பெறவேணும், இன்னமும் ஆபரணங்கள் அணியப்பெறவேணும்; என்று ஆசைப்பட்டு ஏற்கனவே உள்ளவற்றையுமிழந்தேனே; வட்டிக்கு ஆசைப்பட்டு முதலையுமிழப்பாரைப் போலே என்கதியாயிற்றே; என்கிறாள்போதும்.

 

English Translation

The bright circum-ambulating radiant sun has alighted from his chariot and disappeared. The beautiful Moon sends crue! rays that burn my soul.  Alas, I joined my hands in worship of the Lord of Pullani surrounded by beautiful lakes and groves.  My bangles and my rouge are lost to me forever