(1533)

(1533)

பொன்முத்தும் அரியுகிரும் புழைக்கைம்மா கரிக்கோடும்

மின்னத்தண் திரையுந்தும் வியன்பொன்னித் திருநறையூர்

மின்னொத்த நுண்மருங்குல் மெல்லியலை திருமார்வில்

மன்னத்தான் வைத்துகந்தான் மலரடியே யடைநெஞ்சே.

 

பதவுரை

மின்ன	–	(மேற்கே) மின்னல் கண்டவாறே
பொன்	–	பொன்களையும்
முத்தும்	–	முத்துக்களையும்
அரி உகிரும்	–	சிங்கங்களின் நகங்களையும்
புழை கைமா கரி கோடும்	–	த்வாரத்தையுடைய துதிக்கையையுடைத்தான பெரிய யானைகளின் கொம்புகளையும்
தண் திரை உந்தும்	–	குளிர்ந்த அலைகளின் முகமாகக் கொழிக்கின்ற
வியன் பொன்னி, திருநறையூர்-;
மின் ஒத்த நுண்	–	மின்னல் போன்று அதிஸூக்ஷ்மமான
மருங்குல்	–	இடையையுடையளாய்
மெல் இயலை	–	ஸௌகுமார்யத்தை ஸ்வபாவமாக உடையளான பிராட்டியை
திருமார்பில்	–	திருமார்பிலே
மன்ன	–	பொருந்தும்படியாக
தான் வைத்து உகந்தான்	–	தரித்துக்கொண்டு திருவுள்ளமுவந்திருக்கிற பெருமானுடைய
மலர் அடியே	–	திருவடித்தாமரைகளையே
நெஞ்சே! அடை-.

 

ஸ்ரீ காஞ்சி பிரதிவாதி பயங்கரம் அண்ணங்கராசாரியார் எழுதிய

விளக்க உரை

***- சிங்கங்கள் யானைகளோடே பொருது அவற்றின் கும்பஸ்தலங்களைக் கிழித்து உதிர்த்தமுத்துக்களையும் மலைகளிலுண்டான பொன்களையும் சிங்கநகங்களையும் யானைக்கொம்புகளையும் நீர்வாக்காலே கொணர்ந்துதள்ளிப் பெருகுகின்ற பொன்னியாறு பாயப்பெற்ற திருநறையூரில் *அகலகில்லேனிறையுமென் றலர்மேல் மங்கையுறைமார்பன் வாழ்கின்றான்; அன்னவனுடைய பொன்னடியே அடைநெஞ்சே.

 

English Translation

O Heart!  Gold, pearls, tiger’s claws, ivory, all these are brought as gifts by the river karaveri in Tirunaralyur; the lord is pleased to keep his sweet companion, the lady Sri of lightning-thin waist, on his chest, Attain his flower-adored feet.