(253)

(253)

புற்றர வல்குல் அசோதைநல் லாய்ச்சி தன்புத் திரன்கோ விந்தனை

கற்றினம் மேய்த்து வரக்கண் டுகந்துஅவள் கற்பித்த மாற்ற மெல்லாம்

செற்ற மிலாதவர் வாழ்தரு தென்புது வைவிட்டு சித்தன் சொல்

கற்றிவை பாடவல் லார்கடல் வண்ணன் கழலிணை காண்பார் களே.

பதவுரை

புற்று	–	புற்றிலே (வளர்கின்ற)
அரவு	–	பாம்பின் படத்தை ஒத்த
அல்குல்	–	அல்குலை உடையளாய்
அசோதை	–	யசோதையென்னும் பெயரையுடையளாய்
நல்	–	(பிள்ளை திறத்தில்) நன்மையையுடையளான
ஆய்ச்சி	–	ஆய்ச்சியானவள்
தன் புத்திரன்	–	தன் மகனான
கோவிந்தனை	–	கண்ணபிரானை
கன்று இனம் மேய்த்துவர கண்டு	–	கன்றுகளின் திரளை (க்காட்டிலே) மேய்த்து விட்டு மீண்டுவரக்கண்டு
உகந்து	–	மனமகிழ்ந்து
அவள்	–	அவ்யசோதை
(அம்மகனைக் குறித்து இன்னபடிசெய் என்று)
கற்பித்த	–	நியமித்துக் கூறிய
மாற்றம்  எல்லாம்	–	வார்த்தைகளையெல்லாம்;
செற்றம் இலாதவர்	–	அஸூயையற்ற ஸ்ரீவைஷ்ணவர்கள்
வாழ்தரு	–	வாழுமிடமான
தென்	–	அழகிய
புதுவை	–	ஸ்ரீவில்லிபுத்தூருக்கு நிர்வாஹகரான
விட்டு சித்தன்	–	பெரியாழ்வார்
சொல்	–	அருளிச்செய்த
இவை	–	இப்பாசுரங்களை
கற்று	–	(ஆசார்யமுகமாக) ஓதி
பாட வல்லார்	–	(வாயாரப்) பாடவல்லவர்கள்
கடல்வண்ணன்	–	கடல்போன்ற நிறத்தனான எம்பெருமானுடைய
கழல் இணை	–	திருவடியிணைகளை
காண்பார்கள்	–	கண்டு அநுபவிக்கப் பெறுவர்கள்.

ஸ்ரீ காஞ்சி பிரதிவாதி பயங்கரம் அண்ணங்கராசாரியார் எழுதிய

விளக்க உரை

***- இத்திருமொழி கற்றார்க்குப் பலஞ்சொல்லித் தலைக்கட்டுகிறார். ‘புற்றரவல்குலசோதை’ என்று – சமுரகுணமும், ‘நல்’ என்று ஆத்மகுணமுஞ் சொல்லிற்றாகக் கொள்க.  கற்பித்த மாற்றம் – இத்திருமொழியில், மூன்றாம் பாட்டிலும் ஒன்பதாம்பாட்டிலும் நியமித்தவாறு காண்க.  வாழ்தரு = தரு – துணை வினை.

ஹஅடிவரவு :- சீலை கன்னி காடு கடி பற்றார் அஞ்சுடர் பன்றி கேட்டு திண்ணார் புற்று தழை.

English Translation

This decad of songs by Vishnuchitta of Srivilliputtur where the pure-hearted ones live, recalls the words of the slim-waisted Yasoda, the good cowherd-dame, expressing her joy on seeing her son Govinda return from the pastures with the calves. Those who can sing it will see the lotus feet of the ocean-hued Lord.