(3882)

(3882)

தொண்டர்நுந்தம் துயர்போகநீரேகமாய்

விண்டுவாடாமலரிட்டு நீரிறைஞ்சுமின்

வண்டுபாடும்பொழில் சூழ் திருக்கண்ணபுரத்

தண்டவாணன் அமரர்பெருமானையே.

 

பதவுரை

தொண்டர்	–	தொண்டர்களே
வண்டு பாடும் பொழிழ் சூழ்	–	வண்டுகள் பாடுமிடமான் சோலைகளாலே சூழப்பட்ட
திரு கண்ணபுரத்து	–	திருக் கண்ணபுரத்தி வெழுந்தருளியிருக்கிற
அண்டம் வாணன் அமரர் பெருமானை	–	அகிலாண்ட கோடி ப்ரஹ மாண்டநாயகனான எம்பெருமானை
தும் தம் துயர் போக	–	உங்களுடைய துக்கம் தொலையும்படி
நீர் ஏகம் ஆய்	–	நீங்கள் அநந்ய ப்ரயோஜநர்களாய்
விண்டு வாடா மலர் இட்டு	–	மலர்ந்து வாடாத (அப்போதலர்ந்த) பூக்களைப் பணிமாறி
நீர் இறைஞ்சுமீன்	–	நீங்களே தொழுங்கள்

 

ஸ்ரீ காஞ்சி பிரதிவாதி பயங்கரம் அண்ணங்கராசாரியார் எழுதிய

விளக்க உரை

***– திருக்கண்ணபுரத்திலே நின்றருளினவன் உபயவிபூதி நாதனாயிற்று;  தொண்டர்களே உங்கள் துக்கங்கெட அநந்யப்ரயோஜநராய்க் கொண்டு ஆச்ரயியுங்கோளென்கிறார் தொண்டர்=இது அண்மைவிளி; தொண்டர்களே! என்றபடி.  இளைய பெருமாளைப்போலே ஸகலவித கைங்கரியங்களையுஞ் செய்யப் பாரித்திருக்குமலர்களே யென்கை. நுந்தம் துயர்போக=துயர் ல்லார்க்கும் ஒரே வகையாயிராது;  “ஸம்ஸாரிகளுக்கு விரோதி சத்ருபீடாதிகள்; முமுக்ஷீக்களுக்கு விரோதி தேஹஸம்பந்தம்; முக்தர்க்கும் நித்யர்க்கும் விரோதி கைங்கர்யஹானி ” என்று முமுக்ஷீப்படியிலருளிச் செய்த கட்டளையிலே தந்தாமுடைய விரோதிகள் தொலையும்படியாக வென்கை.

நீர் ஏகமாய்=நீங்களெல்லாரும் லகீபவித்தவர்களாய்க் கொண்டு; (அல்லது) நீங்கள் பலவகைப் பலன்களைக் கணிசியாதே பகவத் கைங்கரியமொன்றையே கணிசித்தவர்களாய்க் கொண்டு என்றுமாம்.  விண்டுவாடாமலரிட்டு இறைஞ்சுமின்=செவ்விப் பூவைக் கொண்டு ஆச்சயியுங்கோள்.  நீர் என்பது முதலடியிலும் இரண்டாமடியிலுமுள்ளது;  இரட்டிப்பு–உங்கள்  ஸ்வரூபத்தை நோக்க வேணுமென்று ஞாபம் செய்கிறபடி.

வண்டுபாடும் போழில்சூழ் = வண்டுகளைப் போலே ஸாரக்ராஹிகளான வர்த்திக்கிற தேசமென்றபடி. அண்டவாணன் அமரர்பெருமான்=உபயவிபூதிநாதனென்கிறது.  அண்டவாணன் என்பதனால் லீலாவிபூதி நிர்வாஹகத்வம் சொல்லுகிறது.

 

English Translation

O Devotees, gather and offer worship with fresh unfading flowers.  The Lord resides in Tirukkannapuram with bee-humming groves.  He shall end your despairs individually