(1805)

(1805)

நாரார் இண்டை நாண்மலர் கொண்டு நம்தமர்காள்,

ஆரா அன்போ டெம்பெருமானூர் அடைமின்கள்,

தாராவாரும் வார்புனல் மேய்ந்து வயல்வாழும் கூர்வாய்

நாரை பேடையொ டாடும் குறுங்குடியே.

 

பதவுரை

நம் தமர்காள்	–	நம்மோடொத்த பகவத்பக்தர்களே!
நார் ஆர் இண்டை	–	நார்களில் நெருங்கக் கோக்கப்பட்ட மாலைகளையும்
நாள் மலர்	–	அப்போதலர்ந்த பூக்களையும்
கொண்டு	–	ஏந்திக் கொ;ண்டு
ஆரா அன்போடு	–	பரபக்தியுக்தராய்க் கொண்டு
(எம்பெருமான் ஊர் அடைமின்கள்)
வார்புனல்	–	நீண்ட நீர்நிலங்களிலே
மேய்ந்து	–	இரைமேய்ந்து
வயல்	–	வயல்களில்
வாழும்	–	வாழ்கின்ற
கூர் வாய் நாரை	–	கூர்மையுள்ள வாயலகுகளையுடைய நாரைகள்
பேடையோடு	–	பேடைகளுடனே
ஆடும்	–	களித்துவர்த்திக்கப்பெற்ற
குறுங்குடி	–	திருக்குறுங்குடியென்கிற
எம்பெருமான் ஊர்	–	திவ்யதேசத்தை
அடைமின்கள்	–	சென்று சேருங்கள்

 

ஸ்ரீ காஞ்சி பிரதிவாதி பயங்கரம் அண்ணங்கராசாரியார் எழுதிய

விளக்க உரை

***- என்னைப்போலே பதியெபரவித்தொழுந் தொண்டர்களே! நல்ல புஷ்பங்களையும் தொடுத்த மாலைகளையும் கையிற்கொண்டு பரிபூர்ணபக்தியுடனே திருக்குறுங்குடியைச் சென்று சேருங்கள், அத்தலத்தில் அஃறிணைப் பொருள்களும் தம்தம் அபிமதம் பெற்றுக் களித்து வாழுமாதலால் நீங்களும் அங்குச் சென்று வேண்டினபடி கிஞ்சித்கரிக்கப் பெற்றுக் களித்து வாழலாமென்றாராயிற்று.

தாரா – நீர்வாழ்பறவை.

 

English Translation

Devotees!  With fresh flower garlands, and hearts filled with love, come to offer worship to the Lord in kurungudi where sharp-beaked water-egrets rejoice with their mates in fields filled with Tara water birds