(1799)

(1799)

துங்காராரவத்திரைவந் துலவத் தொடுகடலுள்,

பொங்காராரவில் துயிலும் புனிதர் ஊர்போலும்,

செங்கா லன்னம் திகழ்தண் பணையில் பெடையோடும்,

கொங்கார் கமலத் தலரில் சேரும் குறுங்குடியே.

 

பதவுரை

செம் கால்

–

சிவந்தகால்களையுடைய

அன்னம்

–

அன்னப்பறவை

திகழ் தண் பணையில்

–

அழகிய குளிர்ந்த நீர் நிலைகளிலே

கொங்கு ஆர் கமலத்து அலரில்

–

மணம்மிக்க தாமரைப்பூவில்

பெடையோடும்

–

பேடையுடனே

சேரும்

–

சேர்ந்துவாழுமிடமான

குறுங்குடி

–

குறுங்குடியானது

துங்கம்

–

ஓங்கினவைகளாய்

ஆர் அரவம்

–

பெரிய ஆரவாரத்தை யுடையவைகளான

திரை

–

அலைகள்

வந்து உலவ

–

வந்து வீச

தொடு கடலுள்

–

ஆழ்ந்த திருப்பாற்கடலிலே

பொங்கு ஆர் அரவில்

–

பெரிய திருமேனி வாய்ந்த திருவனந்தாழ்வான் மீது

துயிலும்

–

திருக்கண்வளர்ந்தருளா நின்ற

புனிதர்

–

பரமபவித்திரரான பெருமாளுடைய

ஊர் போலும்

 

ஸ்ரீ காஞ்சி பிரதிவாதி பயங்கரம் அண்ணங்கராசாரியார் எழுதிய

விளக்க உரை

***- திருப்பாற்கடலிலே திருக்கண் வளர்ந்தருளுமழகு எளியர்க்குக் கிட்ட வொண்ணாதிருக்குமென்பது மாத்திரமேயல்லாமல் பிரமன் முதலியோர்க்குங்கூட இக்கரையிலே நின்று கூப்பிட வேண்டும்படியிருக்குமாதலால் அவ்வருமையைப் போக்கி எல்லார்க்குமெளியனாக எழுந்தருளியிருக்குமிடம் திருக்குறுங்குடி யென்கிறார்.

துங்கார் -துங்கம் என்பது வடசொல், உந்நதம் என்றபடி, ‘துங்கார்’ என்றது விகாரப் புணர்ச்சி. பொங்கு+பொங்கார், பொங்கு-முதனிலைத் தொழிற்பெயர், பொங்குதல் நிறைந்த அரவம் என்றபடி, எம்பெருமான் இடைவிடாது தன்மேல் சாய்ந்தருளப் பெறுவதனுலுண்டாகிய மகிழ்ச்சி மிக்கவன் என்றபடி.

பணை -நீர் நிலம் “பண்ணை” என்பதன் தொகுத்தல்.

 

English Translation

The waves of the roaring ocean come touching the feet of the pure Lord who reclines in its midst, on a serpent bed.  His abode is kurungudi where swans with red feet nestle with their mates in beds of fragrant lotus blossoms amid cool lakes

Leave a Comment

Your email address will not be published.

Dravidaveda

back to top