(1434)

(1434)

வெண்ணெய்தா னமுது செய்ய வெகுண்டுமத் தாய்ச்சி யோச்சி,

கண்ணியர் குறுங்க யிற்றால் கட்டவெட் டென்றி ருந்தான்,

திண்ணமா மதிள்கள் சூழ்ந்த தென்திருப் பேருள், வேலை

வண்ணனார் நாமம் நாளும் வாய்மொழிந் துய்ந்த வாறே,

 

பதவுரை

தான்

–

யசோதை நோன்பு நோற்றுப் பெற்ற பிள்ளையாகிய தான்

வெண்ணெய் அமுது செய்ய

–

வெண்ணெயை (அளவில்லாதபடி திருடி) உண்டவளவிலே

ஆய்ச்சி

–

யசோதையானவள்

வெகுண்டு

–

சீற்றங்கொண்டு

மத்து ஓச்சி

–

தயிர்கடையும் மத்தினால் அடிப்பதாக ஓங்கி

கண்ணி ஆர் குறுகயிற்றால் கட்ட

–

முடிச்சுகள் நிறைந்த சிறிய தாம்பினால் கட்டிவைக்க

வெட்டென்றிருந்தான்

–

இசைந்திருந்தவனும்:-

திண்ணம் மா மதிள்கள் சூழ்ந்த

–

திடமான பெரிய மதிள்களாலே சூழப்பட்ட

தென் திருப்பேருள்

–

தென் திருப்பேர் நகரில் எழுந்தருளியிருக்கிறவனும்

வேலை வண்ணனார்

–

கடல்போன்ற நிறத்தையுடையனுமான பெருமானுடைய

நாமம்

–

திருநாமங்களை

நாளும்

–

நாள்தோறும்

வாய் மொழிந்து

–

சொல்லி

உய்ந்த ஆறு ஏ

–

நான் உஜ்ஜீவித்தபடி என்னே!-

 

English Translation

The Lord appeared as Krishna, ate butter and incurred the wrath of his mother, who took the chaurning rope and bound him to a mortar. He resides amid strong-walled Ten-Tirupper, he is our ocean-hued Lord.  How easily have I attained him through chanting his names!

Leave a Comment

Your email address will not be published.

Dravidaveda

back to top