(1079)

(1079)

காண்டாவன மென்பதொர் காடமரர்க் கரையனது கண்டவன் நிற்க,முனே

மூண்டாரழ லுண்ணமு னிந்ததுவும்அதுவன்றியும் முன்னுல கம்பொறைதீர்த்

தாண்டான்,அ வுணனவன் மார்வகலம் உகிரால்வகி ராகமு னிந்து, அரியாய்

நீண்டான்குற ளாகிநி மிர்ந்தவனுக் கிடம்மாமலை யாவது நீர்மலையே.

 

பதவுரை

அமரர்க்கு அரையன் அவன்	–	தேவர்களுக்குத் தலைவனான இந்திரனானவன்
கண்டு நிற்க	–	பார்த்துக்கொண்டிருக்கையில்
முனே	–	அவன் கண் முன்னே
“காண்டாவனம்”; என்பது ஓர் காடு அது	–	‘காண்டாவனம்’ என்று ப்ரஸித்தமான வொருகாட்டை
ஆர் அழல்	–	அக்நி பகவான்
மூண்டு உண்ண	–	மேல் விழுந்து உட்கொள்ளும்படியாக
முனிந்ததுவும்	–	சீறி நியமித்தவனும்,
அது அன்றியும்	–	அதுவுந்தவிர,
முன்	–	முன்பு(பாரதப்போரில்)
உலகம் பொறை தீர்த்து	–	பூமியின் பாரங்களைத்தீர்த்து
ஆண்டான்	–	உலகங்களை ரக்ஷித்தவனும்
அவுணன் அவன்	–	இரணியாசுரனுடைய
அகலம் மார்பு	–	அகன்ற மார்பு
உகிரால்	–	(திருக்கை) நகங்களாலே
வகிர் ஆக	–	இருபிளவாம்படி
முனிந்து	–	சீறி
அரி ஆய் நீண்டான்	–	நரசிங்கமாய் வளர்ந்திட்டவனும்
குறள் ஆகி	–	(முதலில்) வாமநாவதாரஞ் செய்து
நிமிர்ந்தவனுக்கு	–	(பிறகு) திரிவிக்கிரமனாய் வளர்ந்தவனுமான பெருமானுக்கு
இடம்	–	இடம் (எதுவென்றால்)
மா மலை ஆவது நீர்மலை-.

 

ஸ்ரீ காஞ்சி பிரதிவாதி பயங்கரம் அண்ணங்கராசாரியார் எழுதிய

விளக்க உரை

***- “காண்டவவநம்” என்பது ‘காண்டாவனம்’ என்று கிடக்கிறது.

இவ்வனத்தை அக்நிபகவான் உண்ணும்போது தேவேந்திரன் அதைத் தடுக்க முயன்றும் பயன்படவில்லை யென்பது விளங்க “ கண்டு அவன் நிற்கமுனே” எனப்பட்டது.

காண்டவவனத்தை எரிக்க அநுமதித்த முகத்தால் பூமி பாரங்களைத் தொலைத்ததும், தானே நேரில் பல துஷ்டஜனங்களைக் கொன்றொழித்து அம்முகத்தாலும் பூமி பாரங்களைத் தொலைத்தும் அருளின எம்பெருமானுறையுமிடம் திருநீர் மலை என்றாராயிற்று.

அரையன்-அரசன்,   முனே-முன்னே.  வகிர்-பிளவு.

 

English Translation

Kandavanam, the forest belonging to Indra the king of gods, was being consumed by a terrible forest fire. In his very presence our Lord angrily swallowed the fire. He waged a terrible war to rid the Earth of its burden. He came as a man-loin and tore apart the chest of Hiranya. He came as a manikin and grew to cover the Earth. Tirunirmalai is His great hill abode.