(1919)

(1919)

அச்சம் தினைத்தனை யில்லையிப் பிள்ளைக் காண்மை யும்சே வகமும்,

உச்சியில் முத்தி வளர்த்தெடுத் தேனுக் குரைத்திலன் தானின் றுபோய்,

பச்சிலைப் பூங்கடம் பேறி விசைகொண்டு பாய்ந்து புக்கு,ஆ யிரவாய்

நச்சழல் பொய்கையில் நாகத்தி னோடு பிணங்கிநீ வந்தாய் போலும்.

 

பதவுரை

இப்பிள்ளைக்கு	–	இந்த பிள்ளைக்கு
தினைத் தனை	–	கொஞ்சமேனும்
அச்சம் இல்லை	–	பயமில்லை
ஆண்மையும் சேவகமும்	–	சௌர்யமும் வீர்யமுமே யுள்ளது
உச்சியில் முத்தி	–	உச்சிமோந்து
வளர்ந்து எடுத்தேனுக்கு	–	வளர்த்தெடுத்தாயாகிய எனக்கும்
தான் உரைத்திலன்	–	தான் சொல்லாதவனாய்
இன்று போய்	–	இன்று வெளியிற்போய்
பச்சிலை	–	பசுமையான இலைகளை யுடைத்தாய்
பூ	–	பூத்திருக்கிற
கடம்பு	–	கடப்பமரத்தின்மீது
ஏறி	–	ஏறி
விசை கொண்டு	–	வேகத்துடனே
பொய்கையில் பாய்ந்து புக்கு	–	(காளியநாகங்கிடந்த) பொய்கையிலே குதி்த்து,
ஆயிரம் வாய்	–	ஆயிரம்வாயாலும்
நஞ்ச அழல்	–	விஷத்தைக் கக்குகின்ற
நாகத்தினோடு	–	(அந்தக்காளிய) நாகத்தினோடு
பிணங்கி	–	போர் செய்து
நீ வந்தாய் போலும்	–	நீ வந்தாயாமே

 

ஸ்ரீ காஞ்சி பிரதிவாதி பயங்கரம் அண்ணங்கராசாரியார் எழுதிய

விளக்க உரை

***- பச்சிலைப் பூங்கடம்பேறி – ஸ்ரீவிஷ்ணுபுராணத்தில் காளியன் கிடந்த பொய்கையைப் பற்றிச் சொல்லுமிடத்து (5-7-4) விஷாக்நிநா ப்ரஸரதா தக்கதீரமஹீருஹம்“ என்றபடியே அக்கடப்பமரம் காளியனுடைய விஷாக்கியினால் கொளுத்தப்பட்டு இலை பூ காய் கனி முதலிய யொன்றுமின்றி மொட்டை மரமாக இருந்தாலும் கண்ணபிரான் அதன் மேலேறும்போது அவனுடைய திருவடி ஸம்பந்தமுண்டான மாத்திரத்தினால், * பச்சிலைப் பூங்கடம்பாயிற்று என்று ஆசாரியர்கள் நிர்வஹிக்கும்படி பசுமை இலை, பச்சிலை.

(ஆயிரவாய் நாகத்தினோடு) காளியனைச் சில விடங்களில் ஐந்தலை நாகமென்று சொல்லியிருக்க ஆயிரவாய் நாகமென்றதென்? எனில், பயங்கரத்வம் தோற்றதற்காகவா மத்தனை.

தினைத்தனை -தினையென்பது மிகச்சிறய தானியம், அதிக அற்பமான அளவுக்கு அதனை உவமை கூறுவர்கள் கவிகள், கிஞ்சித்தும் என்றபடி “தினையாஞசிறிதளவும்“ என்ற பெரிய திருவந்தாதியுங் காண்க.

 

English Translation

This child doesn;t have a wee bit of fear in him, only bold wrecklessness. I bring him up fondly, smelling his scalp.  It looks like today you climbed up a Kadamba free, dived into the lakey and wrestled with the poison-spitting thousand-hooded snake!