(3617)

என்றுகொல் சேர்வதந் தோஅரன் நான்முக னேத்தும்,

செய்ய நின்திருப் பாதத்தை யான்நிலம் நீரெரி கால்,

விண்ணுயிர் என்றிவை தாம்முத லாமுற்று மாய்நின்ற எந்தாயோ,

குன்றெடுத் தாநிரை மேய்த்தவை காத்தவெங் கூத்தாவோ

 

பதவுரை

நிலம் நீர் எரி கால் விண்

-

பஞ்ச பூதங்களும்

உயிர்

-

பிராணிவர்க்கமும்

என்ற இவை தாம் முதல் ஆ

-

ஆகிய இவை முதலாக

முற்றும்

-

ஸகல பதார்த்தங்களும்

ஆய் நின்ற எந்தாய் ஒ

-

தானே யென்னலாம் படி நின்ற ஸ்வாமியே!

ஆ நிரை மேய்தது

-

பசுக்களின் கூட்டங்களை மேய்த்து

குன்று எடுத்து அவை காத்த

-

கோவர்த்தன மலையைக் குடையாக வெடுத்து அப்பசுக்களை ரக்ஷித்தருளின

எம் கூத்தா ஓ

-

குடக்கூத்து முதலிய கூத்துக்களில் வல்லவனான எம்பெருமானே!

அரண் நான் முகன் ஏத்தும்

-

சிவனும் பிரமனும் துதிக்கும்படியான

நின் செய்ய திரு பாதத்தை

-

உனது சேவடியை

யான் சேர்வது என்று கொல்

-

யான் சேரப் பெறுவது எந்நாளோ?

அந்தோ

-

ஜயோ!

 

ஸ்ரீ காஞ்சி பிரதிவாதி பயங்கரம் அண்ணங்கராசாரியார் எழுதிய

விளக்க உரை

***- மீண்டும் அதுவே வாய்வெருவுதலாய்ச் செல்லுகிறார். கீழ்ப்பாட்டில் ‘என்றுகொல்சேர்வது’ என்றாரே; அதற்கு ஒரு மறுமாற்றம் பெற்றிலர். அத்தோடு அந்தோ என்பதையுங் கூட்டியழுகிறார். நான் மூடிந்ததென்கிறார். திருவடிக்கு ‘அரண் நான்முகனேத்தும்’ என்ற அடைமொழி கொடுத்தது அவர்கள் துதிப்பதனால் திருவடிக்கு ஒரு பெருமை என்கைக்காகவன்று; அழிப்பதும் ஆக்குவதுமே தொழிபாயிருக்கின்ற அவர்களுங்கூட ஆசைப் படுந்திருவடியன்றோ; நான் ஆசைப் படச்சொல்லவேணுமோ வென்றவாறு. அவர்கள் ஏத்துவது ப்ரயோஜநாந்தரத்துக்காக; நான் ஏத்துவது ஸ்வயம் ப்ரயோஜநமாக என்றுணராய்.

நில நீரொஜீகால் என்று  தொடங்கி, சேதநாசேதநாத்மகமான ஸமஸ்தவஸ் துக்களுக்கும் ஆத்மாவாயிருப்பவனே! என்கிறார். பிரானே! உலகில் எப்பொருளைக்கண்டாலும் அவற்றை நீயாகவே நினைத்து மகிழ்ச்சி கொள்ளும்படியானவனே நான்; ஆயினும் அஸாதாரணமான வுன் திருவடிகளைப் பெற்றாலல்லது என் ஆசை தீராதேயென்று காட்டுகிறபடி.

குன்றெடுத்து ஆநிரைமேய்த்து அவைகாத்த—ஆநிரைமேய்க்கைக்காகக் குன்றெடுக்க வேண்டிய அவசியமில்லையாதலால், ‘ஆநிரைமேய்த்து குன்றெடுத்து அவை காத்த’ என்று யோஜித்துக்கொள்வது.

 

English Translation

Alas, when am I to join your red lotus feet, fittingly worshipped by Siva and Brahma? O Lord who stands as Earth, Fire, water. Wind and sky! O My Dancer-Lord who protected the cows under a mount!

 
வருகை பதிவு

அறிமுகம்

உள்ளடக்கம்

இணைப்புகள்

Follow us on

எங்களைப் பற்றி
தள அறிமுகம்
அறிவிப்பு
கடிதங்கள்

தொடர்பு
பிரபந்தம்
திவ்ய தேசங்கள்
கதைகள்
கட்டுரைகள்

பக்தி இலக்கியம்
வைணவ இணைய தளங்கள்
வலைப் பூக்கள்


Facebook
Twitter



 
 
Sitemap | Disclaimer
© Dravida Veda | All rights reseved
Web Design - Purple Rain